Bonnie Lass Come O'er the Burn

Traditional. “Braggin lad” verses – a response - by David Hunter 2003

Bonnie lass come ower the burn
I'm the lad’ll dae your turn
Dinnae ye stand there and mourn
An’ fit the deevil ails ye?

Bonnie lass come ower the street
I am the faither o' yer geet  [bairn]
Dinnae ye stand there and greet
An’ fit the deevil ails ye?

Braggin lad bide ower the burn
I'm the lass to mak ye squirm
Dinna ye stan there an’ scorn
An’ gin the deevil tak ye.

Braggin lad bide ower the burn
Ye’re nae faither tae ma bairn
Dinna ye stan there and girn
An’ gin the deevil tak ye.

 

Bonnie lass come by my side
I'm the lad that laid yer pride
An' didna tak ye for my bride
An’ fit the deevil ails ye?

Bonnie lass come ower the burn
I'm the lad will dae yer turn
Bonnie lass come ower the burn
An’ fit the deevil ails ye?

Braggin lad bide fae ma side
I aince loved you wi a’ my pride
Ye'll nae hae me fir yir bride
An’ gin the deevil tak ye.

Braggin lad bide ower the burn
Yer nae fit tae dae a turn
Braggin lad bide ower the burn
An’ gin the deevil keep ye.