The Mother’s Regret


Words: Pauline Cordiner
Tune: Traditional- the Battle of Harlaw.
23/03/2011

My laddie watched the gentry ride
Tae the hill o’ Bennachie
I let him go, my laddie died
I wish he’d stayed wi me.
Oh my bonnie young loon, my fine young loon, oh gin ye’d bade wi me

He was jist a laddie on oor fairm
My one and only son
He said he wouldnae come tae hairm
That the battle would be won
Oh

He askit me if he could go
And join the Earl’s men
I begged and cried and told him no
I wish he’d listened then
Oh…

At Reid Harlaw he fought and died
A plooboy wi a spear
Enemies lay side by side
Each one a son sae dear
Oh…

Great muckle ballads they might write
When my kin and I are gone
O this fecht o earls, lords and knights
But what will mind my son
Oh…
Aye my bonnie young loon, my fine young loon, oh gin ye’d bade wi me.